Facebook Twitter Youtube Feedburner

夢幻海洋討論區: 鬼爪殺手Aiptasia-Eating Filefish (Acreichthys tomentosus) - 夢幻海洋討論區

跳轉到內容

  • 2 頁 +
  • 1
  • 2
  • 您無權限發表新主題
  • 您無權限回覆主題

鬼爪殺手Aiptasia-Eating Filefish (Acreichthys tomentosus) 當然唔係講藥水!

#1 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 16 April 2017 - 11:16 AM

原來除左畢畢同薄荷蝦之外,仲有其他選擇。 雖然藥水唔算貴,不過作為「自癒系」嘅支持者,我都係鍾意「生物療法」。可惜畢畢口硬,未開工己收工;薄荷蝦好貴,仲唔一定做到嘢,兼且有好多魚都視佢為美食⋯⋯喺網上搜尋Aiptasia Eater,見到有「鬼爪終結者」,唔通係……文章圖片
原來真係有種魚,號稱造鬼爪殺手,不過唔係畢畢。「終結者」係內地網站嘅叫法,咁香港係咪應該叫「未來戰士」?
0

#2 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 16 April 2017 - 11:22 AM

先睇吓啲鬼佬講咩:
ORA嘅專文介紹
文章圖片

文章圖片


Reef Central都有貼文討論過。
文章圖片

O記話佢係可靠嘅鬼爪清除工具,reef safe之餘,仲好易接受人工糧。而RC班玩家就話呢種魚有趣、善良,而且多數(不是百份百!)會食鬼爪,亦容易適應人工環境同食物。可惜嘅係,除左唔一定食鬼爪之餘,玩家報告亦指出唔係百份百reef safe,受害者包括千手、扣、腦、啫哩…


雖然有缺點,但聽落似乎仍然比畢畢同簿荷蝦吸引。咁香港有無得買呢?


本篇文章已被 小魚毛 於 16 April 2017 - 11:23 AM 編輯過

0

#3 已離線   成成 

  • 夢幻魚友
  • 瀏覽相簿
  • 群組: 版主
  • 文章數: 5288
  • 註冊日期: 14-March 09
  • 性別:Male
  • 所在地區:屯門

發表於 17 April 2017 - 04:11 AM

會咬扭扣的
0

#4 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 17 April 2017 - 06:43 PM

瀏覽文章引用框(成成 @ 17 April 2017 - 04:11 AM)

會咬扭扣的


無錯,不過跟據Reef Central嘅討論區所指,佢只係並非百份百reef safe,有玩家嘅千手、扣、腦、啫喱受害,但只係個別例子,成功入RT缸嘅個案仍然偏高。

所以我己經留意左一段時間,發覺類似嘅魚種並非罕見,雖然冇畢畢咁common,但間唔中都會見到,問題係係咪鬼爪eater 就唔肯定。
0

#5 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 17 April 2017 - 11:58 PM

既然比畢畢同薄荷蝦可靠,又有「機會係reef safe」,點解唔試?
問過好多魚舖,間間都有唔同叫法,有話係角孟,更加有話叫「直昇機」!唔知會唔會有「飛機大炮」喇?
不過曾經有兩間魚舖老闆好肯定咁講話會食鬼爪,一間叫佢做青孟,賓魚呢,不過唔係成日有貨。另一間就話係沙孟。不過有現貨!誠惠60大元。即磅,返去做白老鼠。

本篇文章已被 小魚毛 於 17 April 2017 - 11:58 PM 編輯過

0

#6 已離線   成成 

  • 夢幻魚友
  • 瀏覽相簿
  • 群組: 版主
  • 文章數: 5288
  • 註冊日期: 14-March 09
  • 性別:Male
  • 所在地區:屯門

發表於 19 April 2017 - 07:21 PM

等你報告
0

#7 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 23 April 2017 - 12:45 AM

大師,報告要觀察同資料整理,請畀啲時間。
先吹吓多啲條魚嘅資料先。

先講外形。兩三寸左右嘅魨科魚,學名茸鱗單棘鲀,本地一般叫孟。根據O記嘅描述,體色有青、灰、啡三種,不過網上所見,似乎都係青綠色居多(所以我覺得「青孟」個名比較準確)。有白、啡、灰色花紋,粗皮或者帶茸毛,甚至有網友題過佢曉變色,不過我就唔見有進一步嘅資料。反而條魚本嘅體色同花紋間中會有深淺變化,好似啲幼魚受驚時嘅體色變化咁,咁唔知算唔算係曉變色?

來自Reefkeeping嘅 Fish Profile

文章圖片
文章圖片
中文翻譯:海水譯站--鱼类档案:茸鳞单棘鲀,鬼手终结者

本篇文章已被 小魚毛 於 23 April 2017 - 12:49 AM 編輯過

0

#8 已離線   成成 

  • 夢幻魚友
  • 瀏覽相簿
  • 群組: 版主
  • 文章數: 5288
  • 註冊日期: 14-March 09
  • 性別:Male
  • 所在地區:屯門

發表於 23 April 2017 - 08:01 PM

我缸底都有兩隻鬼爪,有機會買條試吓先
0

#9 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 01 May 2017 - 12:25 AM

好粗略嘅初步報告:

外觀孟科嘅泳姿的確有趣,有一定觀賞性。呢條就習慣頭下尾上咁垂直懸浮於活石上覓食。文章圖片

0

#10 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 01 May 2017 - 12:34 AM

殺手?我個缸嘅鬼爪唔算多,不過落唔到簿荷蝦(畀條龍同大火公KO晒),畢畢又開唔到口,惟有請個殺手返呢。
鬼爪嘅情況喺前幾個月間開始出現擴散跡象,主缸估計有十零隻,而背漏都開始見到有。文章圖片
殺手落缸其實都未開口(我怕佢開左口就唔肯開工,所以好心急咁放左佢出呢)。落缸幾日之後,幾隻當眼位嘅鬼爪已經消失咗。
可惜我始終無親眼見到佢開工,可能因為佢食嘢嘅速度太快。

隔離網站有魚友拍左佢開工嘅情況,一啖就KO左隻鬼爪。
鬼爪終結魚
https://www.youtube....8e8&app=desktop


落缸到而家五星期,主缸嘅鬼爪已經無晒影,所以佢的確無負殺名之名。
文章圖片

0

#11 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 01 May 2017 - 12:53 AM

開口難唔難?

之前班鬼佬個個都話佢好易養,咩人工糧都無問題。

因為我心急要佢開工,未等到佢開口就掉左落主缸。所以咁多個星期以來,都係一路見佢喺度「扮仙魚」--淨係望住嚿石呢啄,就算我放糧落缸,佢都係啄喺石面飄過嘅糧,無計。不過總算叫做開左口,只係唔搶口啫。

我餵嘅糧好雜,咩乾糧都撈啲,仲有豐年蝦B,不過反而引得起佢注意嘅係紫菜,可惜都係扮晒矜持咁咀兩啖就算。
0

#12 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 01 May 2017 - 12:55 AM

Reef Safe?

原本都想包膠話我呢條係,不過睇真又好似唔多肯定,都係要再睇定先⋯⋯
0

#13 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 02 May 2017 - 07:13 PM

 引用框(成成 @ 23 April 2017 - 08:01 PM)

我缸底都有兩隻鬼爪,有機會買條試吓先


大師,多口提一句。

小心入貨,因為同科類似嘅魚種有好多,但淨係得呢種會食鬼瓜。而好多魚舖都唔多識認呢隻魚,估計可能係連原產地嘅出口商都唔多肯定佢地手上嘅貨源係咪就係呢隻Acreichthys tomentosus(又叫Matted Leatherjacket 或 Bristletail Filefish),所以間間魚舖叫法唔同,有關佢地嘅介紹資料又唔多,更加有人話佢唔食鬼瓜(其實應該係佢地買錯魚,情況同買錯簿荷蝦相似)。

所以雖然呢個殺手膽正命平又唔算難搵,但最好都係搵相熟魚舖問清楚至畀錢,入錯貨就好大機會變Reef Killer。

本篇文章已被 小魚毛 於 02 May 2017 - 07:14 PM 編輯過

0

#14 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 28 May 2017 - 11:05 AM

揼左咁耐波鍾,都係時候出呢包埋膠佢。
0

#15 已離線   小魚毛 

  • 正牌魚友
  • 點子點子
  • 群組: 普通會員
  • 文章數: 277
  • 註冊日期: 12-August 09

發表於 28 May 2017 - 11:25 AM

Reef Safe唔Safe?

我兩尺缸連埋frag仔約莫有四五十件珊瑚,當中八成係sps,其餘嘅有紫菇、綠喇叭(or大種扣?唔肯定)、孔雀眼綠扣、金火柴、橙飛碟、紅寶石花、紅地毯。
落缸初期,我都見到佢週圍試吓味,睇住件寶石花縮埋,亦都見到佢咀過隻飛碟一啖,好彩都係點到即止。可惜我個缸啲千手畀火刺蟲KO晒,試唔到佢對千手嘅反應。

而孔雀眼綠扣因為上左比較高位嘅石,避過火刺蟲災而留到種,亦都有畀佢搞過,縮左幾個禮拜,慢慢又開翻,算過到關。


唔見有其他資料話佢會搞sps,不過我呢條就對幾件角試過味。唔好彩係呢個幾月缸水有啲問題,啲角收晒鬚,但我相信唔關條魚事,因為喺佢入缸前已經有呢個問題。


以我呢條嘅情況呢講,我可以肯定佢唔係100% reef safe,嘅然佢有周圍試味嘅習慣,難保唔會有一種珊瑚會啱佢口味,只不過係咁啱我缸入邊幾十件珊瑚都唔對佢胃口啫(其實鬼爪都係珊瑚嘅一種,食得鬼爪就預左佢有咬珊瑚嘅習慣)。參考翻班老外嘅經驗,有千手、腦或者啫喱嘅缸主,就要小心考慮吓,或者再等其它Ching試玩過後報告吓。

0

分享主題:


  • 2 頁 +
  • 1
  • 2
  • 您無權限發表新主題
  • 您無權限回覆主題

目前瀏覽此主題的用戶: 1 位
0 位會員, 1 位訪客, 0 位匿名會員